सम्बन्ध

सम्बन्ध हो यो शब्द सबैलाई मनपर्छ,
कोहि आजीवन यसमा भरपर्छ,
कसैले क्षिण मै क्षल गर्छ,
के गर्नु यस्तै छ यो सम्बन्ध|

जहाँ पहिले छलफल हुन्थियो,
र अहिले छल कपट हुन्छ,
फेरी एकपटक हैन,
पटक पटक हुन्छ |

मनमा पहिले बिश्वास हुन्थियो,
अहिले मनमा बिष बास हुन्छ ,
पाउदा उनीलाई दुनिया जिते सरि हुन्थियो,
अहिले त आफै आफैमा जितहार हुन्छ,
दुइ दिन पछी त माया पनि दिक्दार हुन्छ|

पहिले सात जुनीसंगै बाच्ने आशा हुन्थियो,
अहिले क्षनिकको झुठो कसम र बाचा हुन्छ,
पहिले बात पनि पुरा हुन्थियो र,
साथ् पनि पुरा हुन्थियो ,
अहिले त सम्बन्ध पनि आधा हुन्छ र,
दुइ जिउ जोडिएन भने माया पनि सादा हुन्छ|

कोहि भन्छन माया भए जिबन चल्छ रे ,
तर माया त् केवल एउटा नाटक हो ,
माया एउटा उपन्यास हो,तिमि यसको पाठक हो ,
आज पढ्छौ एउटा,भोलि माग्छौ अर्को ,
दिन बित्दै जान्छ अनि मान्छौ झर्को |